Cruz Vermella

Web oficial da Cruz Vermella Española en Galicia

Faite voluntario

Compromiso, implicación, tempo, ganas, cariño... Todas son palabras que asociamos directamente co noso voluntariado, un elemento esencial para canalizar a solidariedade. En Cruz Vermella podemos levar a cabo moitas das nosas actividades grazas a que os voluntarios e voluntarias participan nas distintas fases da posta en marcha e desenvolvemento dos proxectos. Isto permítenos estar cada vez máis preto das persoas. Consulta aquí as nosas ofertas de voluntariado

Somos conscientes do valor engadido que achega o voluntariado a todos os labores que desempeña, o seu papel é fundamental na nosa sociedade e é unha canle básica de detección e atención de necesidades das persoas que peor estano a pasar por culpa da crise.

O número de voluntarios da Organización crece cada ano, actualmente contamos con máis de 20.000 persoas voluntarias en Galicia. Se che gustaría facer algo polos demais e formar parte desta gran familia, contámosche que pasos podes dar.

Podo ser voluntario?

Os perfís dos nosos voluntarios son variados e iso tamén é importante e enriquecedor porque desenvolvemos actividades moi distintas e porque traballamos con colectivos con necesidades diferentes. Se estás interesado en colaborar, invitámoste a contactar connosco e explicarémosche as cousas que facemos para que xuntos encontremos a actividade máis axeitada para ti. Ademais, recibirás formación e integraraste nun equipo de profesionais voluntarios e non voluntarios.

Para ampliar esta información, podes enviarnos o formulario que encontrarás nesta mesma páxina ou dirixirte á túa sede de Cruz Vermella máis próxima, hai 40 situadas en distintas localidades de Galicia.

El efecto voluntariado

Máis preto de ti

Busca a sede máis próxima a ti ou consulta a guía completa.