O proxecto de acollemento familiar facilitou nestes doce anos de traxectoria o acollemento de máis de 750 menores de toda Galicia. Actualmente, este proxecto está consolidado como alternativa ao internamento de nenos, nenas e adolescentes en centros residenciais e conta coa colaboración de 300 acolledores nas catro provincias galegas.

O acollemento familiar é un acto solidario que permite ás familias que o desexen participar activamente na loita contra os riscos e dificultades que afectan hoxe en día a moitos menores e ás súas familias.

Necesitamos máis familias dispostas a acoller, a abrirlles o seu fogar a estes nenos e nenas. Hai moitas formas de participar. Infórmate sobre este proxecto solidario en ou contactando con algunhas das oficinas de Cruz Vermella.